Vinara wa ligi kuu ya Vodacom Yanga leo wana nafasi ya kuendelea kujikita kileleni mwa msimamo wa ligi kama wataondoka na alama zote tatu kwenye mchezo wa ligi kuu dhidi ya JKT Tanzania
Mchezo huo utapigwa uwanja wa Benjamin Mkapa kuanzia saa kumi kamili Alasiri
Baada ya kuwavurumisha Azam Fc kwenye dimba lao la nyumbani, vijana wa kocha Cedric Kaze wamepania kuendeleza wimbi la ushindi
Kaze amebainisha kuwa wachezaji wake wako tayari kwa mchezo huo akiwataja wachezaji ambao watakosekana kutokana na sababu mbalimbali
Nahodha Lamine Moro hatakuwa sehemu ya kikosi cha Yanga leo kwa kuwa anatumikia adhabu ya kadi tatu za njano
Carlinhos, Kibwana Shomari wao ni majeruhi wakati Haruna Niyonzima akiwa na ruhusa kutokana na changamoto alizopata kwao Rwanda
