Kocha Mkuu wa Yanga Cedric Kaze amesema wachezaji wake wako tayari kuelekea mchezo wa ligi kuu dhidi ya Mwadui Fc ambao utapigwa kesho Jumamosi, uwanja wa CCM Kambarage
Yanga iliwasili mkoani Shinyanga jana jioni na leo wanatarajiwa kukamilisha maandalizi ya mwisho kuelekea mchezo huo
Kaze amesema vijana wake wana ari kubwa ya kusaka alama tatu katika mchezo huo unaotarajiwa kuwa na upinzani mkali
"Kila mmoja anajua umuhimu wa mchezo wa kesho, sisi hatuangalii nafasi tuliyopo katika msimamo wa ligi, tunachohitaji ni alama tatu. Huu ni mchezo mgumu ugenini, tutapambana kusaka ushindi"
"Mwaka jana hata Simba walipoteza mchezo wao wa kwanza Shinyanga hivyo sisi hatuwezi kubweteka, tutapambana kuweza kupata alama tatu muhimu," alisema Kaze
Yanga itaingia katika mchezo huo ikiwa na rekodi ya kipekee msimu huu, inaongoza ligi ikiwa na alama 34 lakini ndio timu pekee ambayo haijapoteza mchezo msimu huu
Kaze amepania kuweka rekodi ya kumaliza duru ya kwanza bila ya kufungwa
