Mapema leo zilisambaa taarifa katika mitandao ya kijamii zinazodai kampuni iliyojitambulisha kumsimamia mchezaji Fiston Abdul Razak imetoa malalamiko kwa TFF wakidai kuwa nyota huyo wa Kimataifa kutoka Burundi amekiuka mkataba baada kujiunga na Yanga bila kuitaarifu kampuni hiyo
Fiston mwenyewe amezisikia taarifa hizo na kueleza kushangazwa na malalamiko hayo huku akisisitiza kuwa watu hao wanaodai kuwa ni Mawakala wake hawafahamu na ni matapeli
"Hao watu waliotoa madai hayo naona ni matapeli, Wakala anayenisimamia mimi niliingia nae mkataba mwaka 2019 naweza kukupatia nakala ya mkataba huo. Lakini pia ndiye niliyeshirikiana nae katika kukamilisha usajili wangu Yanga"
"Wakala huyu nimemalizana nae nimemkabidhi asilimia 10% stahiki yake baada ya kuwa nimesaini Yanga"
"Nina mkataba wa miaka mitatu na Wakala wangu, hivyo taarifa za hao Mawakala wanaojitangaza kwenye mitandao hazina ukweli wowote, " alisema Fiston
Kampuni iliyojitambulisha kwa jina la Heritage agency ilitoa malalamiko hayo kwenda Yanga na TFF wakidai Fiston kakiuka utaratibu wa kimkataba alioingia nao baada ya kusajiliwa na Yanga bila kampuni hiyo kupewa taarifa
