Nani amrithi Mwambusi?

Kutokana na changamoto ya kuugua kwa kocha msaidizi Juma Mwambusi, uongozi wa Yanga unamsubiri Kocha Mkuu Cedric Kaze apendekeze jina la kocha ambaye ataziba nafasi yake

Kocha wa African Lyon Nizar Khalfan amepigiwa chapuo zaidi lakini yapo majina mengine yanatajwa kuwa na nafasi ya kumrithi Mwambusi

Kocha wa timu ya Taifa ya Vijana Maalim Saleh 'Romario' ambaye ni mshambuliaji wa zamani wa Yanga, kocha wa zamani wa Tanzania Prisons Adolph Richard na Shaban Ramadhani  nao wametajwa

Juzi Mwenyekiti wa Yanga Dk Mshindo Msolla alibainisha kuwa wanaweza kupendekeza majina ya makocha ambao waliwahi kupita Yanga wakiwa wachezaji

Ukipewa nafasi ya kupendekeza jina moja, utampendekeza nani?