Siku moja baada ya droo ya michuano ya ligi ya mabingwa kufanyika, uongozi wa Yanga umesema umeanza maandalizi kuelekea mchezo wao dhidi ya St Louis ya Shelisheli.
Yanga itachuana na St Louis, mabingwa wa Shelisheli kwenye mchezo wa hatua ya awali kusaka tiketi ya kutinga mzunguuko wa kwanza wa michuano hiyo.
Mchezo wa kwanza utapigwa kati ya Februari 09-11, 2018 jijini Dar es Salaam na mchezo wa marudiano utafanyika wiki moja baadae huko Shelisheli.
Afisa Habari wa Yanga Dismas Ten amesema Yanga haiidharau St Louis na ndio maana imeanza mapema ya kuhakikisha inapata ushindi mnono kwenye mchezo utakaopigwa kwenye dimba la Taifa.
"Baada ya ratiba kutoka moja kwa moja maandalizi yanaanza, tunacheza dhidi ya timu ya Seychelles huwezi kudharau timu, ni timu nzuri ndio maana imefika hapo ilipo kwa hiyo kila timu inahitaji kupambana ili kupata matokeo hakuna timu ya kubeza. Huwezi kusema hii inatoka kwenye nchi ndogo na ligi ambayo ni nyepesi," amesema Ten
"Kitu kizuri kwetu ni kwamba benchi la ufundi wameona ratiba wamefahamu timu ambayo tunaenda kucheza nayo kwa hiyo matayarisho yanaanza kuona kwamba tunaenda kufanya vizuri kuliko msimu uliopita."
Mshindi wa hatua ya awali atatinga mzunguuko wa kwanza ambapo atachuana na mshindi kati ya El Marreikh ya Sudani na Township Rollers ya Botswana.
Mshindi wa mzunguuko wa kwanza atatinga moja kwa moja hatua ya makundi ambayo ni 16 bora ya ligi ya mabingwa wakati timu itakayofungwa itashushwa kwenye michuano ya kombe la shirikisho mzunguuko wa pili.
Yanga itachuana na St Louis, mabingwa wa Shelisheli kwenye mchezo wa hatua ya awali kusaka tiketi ya kutinga mzunguuko wa kwanza wa michuano hiyo.
Mchezo wa kwanza utapigwa kati ya Februari 09-11, 2018 jijini Dar es Salaam na mchezo wa marudiano utafanyika wiki moja baadae huko Shelisheli.
Afisa Habari wa Yanga Dismas Ten amesema Yanga haiidharau St Louis na ndio maana imeanza mapema ya kuhakikisha inapata ushindi mnono kwenye mchezo utakaopigwa kwenye dimba la Taifa.
"Baada ya ratiba kutoka moja kwa moja maandalizi yanaanza, tunacheza dhidi ya timu ya Seychelles huwezi kudharau timu, ni timu nzuri ndio maana imefika hapo ilipo kwa hiyo kila timu inahitaji kupambana ili kupata matokeo hakuna timu ya kubeza. Huwezi kusema hii inatoka kwenye nchi ndogo na ligi ambayo ni nyepesi," amesema Ten
"Kitu kizuri kwetu ni kwamba benchi la ufundi wameona ratiba wamefahamu timu ambayo tunaenda kucheza nayo kwa hiyo matayarisho yanaanza kuona kwamba tunaenda kufanya vizuri kuliko msimu uliopita."
Mshindi wa hatua ya awali atatinga mzunguuko wa kwanza ambapo atachuana na mshindi kati ya El Marreikh ya Sudani na Township Rollers ya Botswana.
Mshindi wa mzunguuko wa kwanza atatinga moja kwa moja hatua ya makundi ambayo ni 16 bora ya ligi ya mabingwa wakati timu itakayofungwa itashushwa kwenye michuano ya kombe la shirikisho mzunguuko wa pili.
ADVERTISE HERE
