Wengi wetu tumepokea ujumbe unaotutaka tupakue toleo jipya la Mwana Jangwani (toleo namba 1.7.3)
Yapo maboresho muhimu yaliyofanyika kwenye toleo hilo lakini muhimu zaidi udhibiti umefanyika kwa wale wanaoingia kuvuruga mijadala
Utaratibu wa kuwadhibiti umeimarishwa. Ili uweze kuchangia mijadala kuanzia sasa, unapaswa kujiunga na Mwana Jangwani kwa kutumia akaunti yako halisi unayotumia kuingia Play Store
Kila mmoja anapaswa kujiunga upya kupitia utaratibu huo. Mwanzo tulikuwa na utaratibu wa kuzifungia akaunti lakini changamoto iliyokuwepo ni kuwa 'vivuruge' hao walikuwa na uwezo wa kutengeneza akaunti nyingine bandia
Sasa kwa utaratibu mpya akaunti ambazo zitakuwa zikiripotiwa kwa kuweka 'post' ambazo sio za kiungwana, zikifungwa wahusika hawatakuwa tena na uwezo wa kufungua akaunti nyingine
Lengo la kuwa na jukwaa hili ni kuwaunganisha Wanayanga wote Tanzania na nje ya nchi kubadilishana mawazo, kupata taarifa na kujadili masuala yanayoihusu klabu yao pendwa
Lakini kama kawaida wapo watu wasio waungwana ambao wanadhani kutukana, kukejeli na kuvuruga mijadala ni ujanja
Sasa habari ziwafikie, mwaka huu hawatakuwa na nafasi kwani taarifa zao zote zitakuwa zikifahamika, watashughulikiwa...
