Mkomola kuanza mchezo wa Jumapili

Mshambuliaji mpya wa Yanga Yohana Mkomola anatarajiwa kuanza kwenye mchezo wa kirafiki dhidi ya timu ya Jeshi la Polisi la Tanzania keshokutwa Jumapili.

Mshambuliaji huyo kinda alijiunga na kikosi cha Yanga katikati ya wiki hii baada ya kurejea kutoka Kenya alikokuwa na kikosi cha timu ya Taifa ya Tanzania Bara 'Kilimanjaro Stars'.

Licha ya umri wake mdogo, Mkomola ametabiriwa kuja kuwa mmoja wa washambuliaji tishio katika ligi kuu ya Vodacom.

Wengi wamekuwa wakimfananisha na nahodha wa timu ya Taifa, Mbwana Samatta ambaye sasa anakipiga na KRC Genk inayoshiriki ligi kuu ya Ubelgiji.

Hata Samatta mwenyewe aliwahi kumtabiria mafanikio makubwa Mkomola ambaye alikutana nae kwenye kikosi cha timu ya Taifa.

Hivi karibuni kocha wa Lipuli FC Selemani Matola alisifu usajili wa kinda huyo uliofanywa na Yanga kwa kusema ndio usajili bora uliofanywa na timu katika kipindi hiki cha dirisha dogo la usajili.

Mkomola alin'gara katika michuano ya AFCON chini ya umri wa miaka 17, michuano iliyofanyika nchini Gabon mapema mwaka huu.

Ndani ya kikosi cha Yanga Mkomola amekaidhiwa jezi namba 31.

Mchezaji mwingine mpya ambaye anatarajiwa kucheza mchezo huo ni mlinzi wa kati Fiston Kayembe.