Mshambuliaji Yacouba Songne anaweza kuwa sehemu ya kikosi cha Yanga kitakachoikabili Kagera Sugar katika mchezo wa ligi kuu ya Vodacom utakaopigwa uwanja wa Benjamin Mkapa kuanzia saa 1 usiku
Yacouba alipata majeraha kwenye michuano ya kombe la Mapinduzi hivyo kupelekea akawa nje wa wiki tatu
Nyota huyo raia wa Burkina Faso ndiye kinara wa pasi za mabao (nne) katika kikosi cha Yanga, pia amewafungia mabao manne mabingwa hao wa kihistoria
Hakuwa sehemu ya kikosi kilichocheza na Mbeya City mchezo uliopita mkoani Mbeya, kocha Cedric Kaze akimpumzisha
Yacouba ndiye mpishi wa mabao matatu kati ya matano yaliyofungwa na Deus Kaseke msimu huu
Wawili hao wanapokuwa pamoja uwanjani, mara nyingi Yanga imekuwa ikiondoka na alama zote tatu
Huu ni mchezo mwingine ambao Yanga inahitaji ushindi, bila shaka, Yacouba na Kaseke wanaweza kuwa sehemu ya kikosi kitakachoanza leo
