Kocha Mkuu wa Yanga Cedric Kaze amesema ana imani na mshambuliaji Michael Sarpong licha ya nyota huyo kutokuwa na kasi nzuri ya kufunga mabao
Kaze amesema wengi hawafahamu kuwa kazi ya mshambuliaji sio kufunga tu, anapaswa kuwa sehemu ya timu na wakati mwingine inatosha kuwatengenezea wengine wakafunga
"Watu wanajidanganya sana, mshambuliaji sio kwamba anatakiwa kufunga magoli mengi. Mshambuliaji anaweza kufanya kazi ya kusaidia watu wengine kufunga"
"Ndio maana hadi leo nina imani na Sarpong kwa sababu anasaidia wenzake kufunga"
"Tunajua anaweza akafunga na itamsaidia kuongeza kujiamini kwenye mechi nyingine," amesema Kaze
Katika mchezo dhidi ya Kagera Sugar, Sarpong alitoa pasi moja ya bao lililofungwa n Deus Kaseke licha ya kuwa yeye mwenyewe hakufunga kwenye mchezo huo uliomalizika kwa matokeo ya sare ya mabao 3-3
Wakati mwingine mikimbio yake imekuwa na faida kwa timu. Sarpong pia amejipambanua kwa kuwa na uwezo mkubwa wa kumiliki mpira
Hata hivyo ukubwa wa umbile lake wakati mwingine umemponza mbele ya waamuzi kwa kunyimwa adhabu pale anapofanyiwa madhambi na walinzi wa timu pinzani
Tangu atue Yanga mwanzoni mwa msimu huu, Sarpong amefunga jumla ya mabao sita, manne katika ligi kuu na mawili katika michezo ya kirafiki
