Uhamisho wa mkopo kwenda Inter Milan haukuwa chaguo kwa beki wa England Harry Maguire, na mchezaji huyo mwenye umri wa miaka 29 atasalia Manchester United hadi angalau mwisho wa msimu. (Fabrizio Romano kupitia Twitter)
Manchester City wanapanga kumnunua mchezaji wa Leicester City James Maddison katika majira ya joto wakati mchezaji huyo wa kimataifa wa Uingereza mwenye umri wa miaka 26 atakuwa amebakiza mwaka mmoja kwenye mkataba wake wa Foxes. (Mail)
Chelsea imeuliza Inter Milan kuhusu nia yao ya kumuuza kiungo wa kati wa Italia Nicolo Barella lakini klabu hiyo ya Serie A haikuwa tayari kumruhusu mchezaji huyo mwenye umri wa miaka 25 kuondoka. (Tuttomercatoweb - kwa Kiitaliano)
Afisa MkuuMtendaji wa Inter Milan Giuseppe Marotta anasema ni chaguo la mlinzi wa Slovakia Milan Skriniar kutotia saini mkataba mpya na kuondoka bure wakati mkataba wa mchezaji huyo wa miaka 27 utakapokamilika msimu wa joto. (Sport Mediaset, kupitia Football Italia)
Bournemouth ilikataa nafasi ya kumsajili kiungo wa kati wa Roma Nicolo Zaniolo baada ya mchezaji huyo wa kimataifa wa Italia mwenye umri wa miaka 23 kubadili mtazamo wake kuhusu kujiunga na klabu hiyo ya pwani ya kusini. (Sky Sport Italia, kupitia Daily Echo)
Uhamisho uliomchukua kiungo wa kati wa Uhispania Isco, 30, ambaye ni mchezaji huru baada ya kuondoka Sevilla mwezi Disemba, kwenda klabu ya Ujerumani Union Berlin uliporomoka. (Goal)
AC Milan wamekanusha kuwa kuna mvutano katika mazungumzo kuhusu kandarasi mpya na mshambuliaji wa Ureno Rafael Leao, 23, na mazungumzo yanafanyika "kwa njia ya kitaalamu". (Football Italia)
Barcelona ilijaribu kumsajili kiungo wa kati wa Morocco Sofyan Amrabat, 26, kutoka Fiorentina kwa mkopo ikiwa na jukumu la kununua lakini klabu hiyo ya Italia ilikataa ofa hiyo. (Sport - kwa Kihispania)
BBC
