Manchester City wanataka ya kumsajili beki wa kushoto wa Chelsea na England Ben Chilwell, 26, katika dirisha la usajili la msimu wa joto. (CaughtOffside)
Chelsea wamemuweka mshambuliaji wa Napoli na Nigeria Victor Osimhen, 24, kama kipaumbele chao kikuu katika dirisha la usajili la majira ya kiangazi. (90MIN)
Tottenham wanavutiwa na beki wa Crystal Palace Muingereza Marc Guehi, 22, wakati huu wakitaka kusajili mabeki wawili wapya wa kati kwa ajili ya msimu ujao. (Mail)
RB Leipzig huenda ikatafuta kumsajili tena kiungo wa kati Naby Keita, 27, msimu wa joto baada ya siku ya mwisho ya usajili wa Januari kukataliwa na Liverpool kumuachia mchezaji huyo wa kimataifa wa Guinea. (Bild)
Kiungo wa kati wa Barcelona na Ivory Coast Franck Kessie, 26, alikataa kuhamia Tottenham katika dirisha la uhamisho la Januari. (Sport)
Inter Milan wako tayari kufanya mazungumzo zaidi na Chelsea kuhusu mkataba wa kudumu wa kumnunua mshambuliaji wa Ubelgiji Romelu Lukaku. Mchezaji huyo mwenye umri wa miaka 29 kwa sasa yuko kwa mkopo katika klabu hiyo ya Serie A. (Gazzetta dello Sport)
Ajax wanazidisha juhudi zao za kumpata mkurugenzi wa michezo wa Liverpool Julian Ward atakapoachana na majukumu yake Anfield mwishoni mwa msimu huu. (Telegraph)
Leeds wanafikiria kumnunua meneja wa Feyenoord Arne Slot ili kuwa meneja wao mpya. (Times)
Barcelona wanataka kuongeza mkataba wa nahodha wa klabu na kiungo wa zamani wa Uhispania Sergio Busquets, 34. (Mundo Deportivo - in Spanish)
Liverpool wanamfuatilia kwa karibu nyota wa Birmingham City na timu ya taifa ya Uingereza ya vijana George Hall. Everton na Leeds pia wanavutiwa na kiungo huyo mwenye umri wa miaka 18. (Football Insider)
Barcelona itafuatilia mpango wa kumnunua beki wa kulia wa Bayern Munich na Ufaransa Benjamin Pavard, 26, katika majira ya msimu wa joto. (Mundo Deportivo)
Meneja wa Real Madrid Carlo Ancelotti huenda akachukua nafasi ya Tite kama kocha mkuu wa Brazil. (GeGlobo, via DefensaCentral)
BBC
