Kikosi cha Azam Fc kimekuwa kambini kwa takribani wiki mbili kujiandaa na mchezo wa ligi kuu dhidi ya Simba ambao utapigwa Jumanne katika uwanja wa Benjamin Mkapa
Mchezo huo una umuhimu wa kipekee kwa kila timu ili kufanikisha malengo ya msimu huu
Simba iko kwenye mbio za kuwania ubingwa wa ligi kuu ikiwa nyuma kwa tofauti ya alama sita dhidi ya Yanga
Matokeo ya ushindi yatawafanya wapunguze gap la pointi kuwa tatu kabla ya Yanga haijacheza na KMC siku ya Jumatano
Azam Fc wamepoteza matumaini katika mbio za ubingwa, vita yao kubwa iko katika nafasi ya tatu baina yao na Singida Big Stars
Ushindi kwao utawahakikishia wanarudi kwenye nafasi ya tatu
Afisa Habari wa Azam Fc Thabit Zakaria 'Zakazakazi' amesema wamejipanga kushinda mchezo huo kama walivyofanya katika mchezo wa duru ya kwanza
Simba itaingia katika mchezo huo ikiwa imetoka kujeruhiwa kwenye michuano ya ligi ya mabingwa wakikubali kipigo cha mabao 3-0 kutoka kwa Raja Casablanca
Lakini ni mchezo ambao wanahitaji sana kushinda ili kurejesha morali ya kikosi kabla ya kusafiri nchini Uganda kuikabili Vipers Fc Februari 25
