Usiku wa kuamkia leo Arsenal iliondoshwa kwenye ligi ya Europa kwa mikwaju ya penati 5-3 baada ya matokeo ya sare ya bao 1-1 katika mchezo uliopigwa kwa dakika 120
Changamoto ya mikwaju ya penati ilitumika kupata mshindi baada ya matokeo ya jumla kuwa 3-3. Timu hizo zilitoka 2-2 kwenye mchezo wa kwanza uliopigwa Ureno
Granit Xhaka aiitanguliza Arsenal mapema lakini shuti la mbali la Pedro Goncalves liliirejesha Sporting mchezoni na kulazimisha dakika 30 za muda wa ziada
Kocha Mkuu wa Arsenal Mikel Arteta alifanya mabadiliko makubwa ya kikosi chake akiwapa mapumziko wachezaji wake muhimu
Arsenal imeweka nguvu kubwa kwenye kuwania ubingwa wa ligi kuu ya Uingereza ambapo siku ya Jumapili watachuana na majirani zao kutoka jiji la London, Crystal Palace
Katika mechi nyingine Manchester United ilitinga robo fainali kwa ushindi wa jumla wa mabao 5-1 dhidi ya Real Betis
Man United walishinda 4-1 kwenye mchezo wa kwanza uliopigwa Uingereza
Timu nyingine zilizotinga robo fainali ni Fayenoord, Sevilla, Juventus, B Leverkusen, Roma na Union St Gilloise
