Kikosi cha Yanga kitaondoka nchini Alhamisi kuelekea Nigeria kwa ajili ya mchezo wa mkondo wa kwanza robo fainali ya michuano ya kombe la Shirikisho barani Afrika dhidi ya Rivers United
Mchezo huo utapigwa Jumapili, April 23 huko Nigeria katika uwanja wa Godswill Akpabio uliopo mji wa Uyo
Rivers United walitumia uwanja huo kwenye hatua ya makundi na baadae wakaomba kuruhusiwa kurejea kwenye uwanja wao wa Adokiye Amiesimaka huko Port Harcort ila Shirikisho la soka barani Afrika (CAF) limegomea mabadiliko hayo baada ya kufanyia ukaguzi uwanja huo na kubaini bado haukidhi vigezo
Yanga inasaka nafasi ya kutinga nusu fainali ya michuano hiyo, itahitaji ushindi au hata matokeo ya sare ugenini kabla ya mchezo wa marudiano utakaopigwa jijini Dar es salaam
Mchezo wa marudiano utapigwa uwanja wa Benjamin Mkapa, April 30 2023
