Tottenham wafikiria kumtimua Stellini

Tottenham wanafikiria kumtimua Cristian Stellini baada ya kuchapwa mabao 6-1 na Newcastle

Spurs walifungwa mabao matano katika dakika 21 za mwanzo baada ya Stellini kuanza mabeki wanne kwa mara ya kwanza msimu huu

Muitaliano huyo alirejea katika mfumo wa walinzi watatu baada ya muda mfupi lakini uharibifu ulikuwa umefanyika

Uongozi wa Tottenham unafikiria kukata uhusiano mapema kulingana na ripoti ya Evening Standard

Stellin mwenye umri wa miaka 48 aliteuliwa kuwa kaimu kocha mkuu hadi mwisho wa msimu baada ya Antonio Conte kutimuliwa mwezi uliopita lakini uamuzi huo unaweza kutenguliwa hivi karibuni

Ryan Mason ametajwa kuwa chaguo la kumrithi Stellini hadi mwisho wa msimu.