Meneja wa Habari na Mawasiliano klabu ya Simba Ahmed Ally amesema wamejipanga kuhakikisha wanashinda mchezo wa nusu fainali kombe la FA dhidi ya Azam Fc ambao utapigwa Jumapili, May 07 kwenye uwanja wa Nangwanda Sijaona
Ahmed amesema Simba ina nafasi finyu katika mbio za ubingwa wa ligi kuu lakini huku kwenye FA, wana dakika 180 za kusaka ubingwa
"Tunahitaji kushinda mchezo wa Nusu Fainali dhidi ya Azam FC ili tutimize malengo yetu ya kuchukua ubingwa wa mashindano haya. Haujawa msimu mzuri sana, tumetolewa Robo Fainali ya Ligi ya Mabingwa Afrika lakini vilevile matumaini yetu kwenye Ligi Kuu ya Tanzania Bara hamezidi kufifia sana baada ya sare ya juzi dhidi ya Namungo Fc"
"Kwa sasa tuna 20% ya kuwa mabingwa wa Ligi Kuu na 80% kuukosa, lazima tuambiane ukweli. Uwezekano wa Simba kushinda mechi zote tatu ambazo zimesalia upo lakini uwezekano wa mpinzani wetu tunaewanianae ubingwa kupoteza mechi zote tatu hapo ndio kwenye ugumu"
"Kwa hiyo mahali pekee ambako hakuhitaji bahati nasibu kuupata ubingwa wake ni kwenye Azam Sports Federation Cup. Ili tuweze kuchukua ubingwa huu, inatulazimu tucheze vizuri katika mechi mbili (Nusu Fainali na Fainali) tukiweza kufanya hivyo tunachukua ubingwa"
"Hatupo tayari kuona msimu huu tunamaliza patupu kama ambavyo ilikuwa msimu uliopita. Msimu huu tunahitaji kumaliza na jambo, tunahitaji taji. Kombe la Azam Sports Federation Cup haliondoi machungu ya kushindwa kwenda Nusu Fainali ya Ligi ya Mabingwa Afrika wala machungu ya kukosa ubingwa wa Kigi Kuu lakini linaonesha kuna kazi tumeifanya kwenye msimu husika," alisema Ahmed
