Kamati ya tuzo ya Shirikisho la Mpira wa Miguu Tanzania (TFF), imefanya uteuzi wa wachezaji watano kuwania tuzo ya mchezaji bora wa kombe la Shirikisho la Azam (ASFC) na tuzo ya kuwania mchezaji Muungwana 'Fair Play'
Katika taarifa iliyotolewa na TFF, wachezaji waliotajwa kuwania tuzo ya mchezaji bora wa kombe la FA ni Fiston Mayele, Bakari Mwamnyeto, Clement Mzize wote kutoka klabu ya Yanga, Prince Dube na Abdul Suleiman Sopu kutoka klabu ya Azam Fc
Aidha wachezaji Saido Ntibazonkiza, Jean Baleke na Pape Ousmane Sakho wameteuliwa kuwania tuzo ya Uungwana
Saido na Baleke walifanya matukio ya uungwana kwenye mchezo dhidi ya Yanga wakati Sakho alifanya tukio la uungwana kwenye mchezo dhidi ya Geita Gold
