Kocha Mkuu Yanga atua kuanza kazi

Kocha Mkuu wa Yanga Miguel Gamondi amewasili nchini usiku wa kuamkia leo akitokea Hispania

Ujio wa kocha huyo ni ishara sasa Yanga iko tayari kuanza maandalizi ya msimu mpya ambapo siku ya Jumatatu atawakaribisha wachezaji wake Avic Town

Aidha wakati wowote Yanga itatangaza benchi la ufundi kabla na kuanza zoezi la kutangaza wachezaji wapya, zoezi linalosubiriwa kwa hamu na mashabiki wa Yanga

Yanga ilimpa Gamondi nafasi ya kuamua watu ambao atafanya nao kazi katika benchi la ufundi hivyo Wananchi watarajie kuona mabadiliko

Nafasi zinazosubiriwa kutangazwa ni Kocha Msaidizi, Kocha wa magolikipa, Kocha wa viungo na mchambuzi wa sayansi ya mpira (Football Analyst)