Baada ya kutupwa nje ya michuano ya kombe la Shirikisho barani Afrika hatua ya awali, kikosi cha Azam Fc leo kina mtihani mwingine mbele ya Tanzania Prisons
Ni katika mchezo wa ligi kuu ya NBC mzunguuko wa pili ambao utapigwa uwanja wa Azam Complex, Chamazi
Pengine hii itakuwa mechi muhimu sana kwa Azam Fc kushinda ili kurejesha imani ya mashabiki wao ambao bado hawaamini kile kilichotokea pale uwanja wa Azam Complex katika mchezo wa kombe la Shirikisho dhidi ya Fasil Dar Kenema ya Ethiopia
Hata hivyo wanakutana na Tanzania Prisons inayonolewa na Kocha Fred Felix Minziro aliyejiunga na timu hiyo akitokea Geita Gold
Prisons walipata alama moja muhimu katika mchezo wao wa kwanza dhidi ya Singida FG mchezo ukipigwa uwanja wa LITI mkoani Singida
Ushindi leo unaweza kuirejesha Azam Fc kileleni mwa msimamo wa ligi baada ya ushindi wa mabao 4-0 katika mchezo wao wa kwanza dhidi ya Kitayosce Fc
