Chelsea wanamtaka mshambuliaji wa Brentford ya Uingereza Ivan Toney, ambaye anatumikia marufuku ya miezi minane kwa kukiuka sheria za kamari za Shirikisho la Soka. Mchezaji huyo mwenye umri wa miaka 27 haruhusiwi kucheza hadi tarehe 17 Januari 2024, lakini anaweza kurejea mazoezini wikendi hii. (football.london)
Juventus wanampanga kiungo wa kati wa Arsenal na Ghana Thomas Partey, 30, kama mbadala wa kiungo wa kati wa Ufaransa Paul Pogba, 30, ambaye kandarasi yake inaweza kusitishwa ikiwa atabainika kukiuka sheria za kupinga matumizi ya dawa za kusisimua misuli. (La Repubblica – in Italy)
Beki wa Manchester United na England Harry Maguire, 30, alikuwa "karibu sana" kujiunga na West Ham kwa mkataba wa pauni milioni 30 msimu huu, anasema kocha wa Hammers Kevin Nolan. (Sport)
Beki wa zamani wa Liverpool na Uingereza Glen Johnson anasema hatashangaa iwapo Mohamed Salah, 31, ataondoka Anfield na kuelekea Saudi Arabia. Liverpool ilikataa dau la pauni milioni 150 kutoka kwa klabu ya Saudi Pro League ya Al-Ittihad mwezi huu. (Liverpool Echo)
Kiungo wa kati wa zamani wa Nottingham Forest na Uingereza Jonjo Shelvey, 31, anakaribia kujiunga na klabu ya Uturuki ya Rizespor kabla ya tarehe ya mwisho ya Ijumaa. Shelvey alijiunga tu na Forest kutoka Newcastle kwa kandarasi ya miaka miwili na nusu mwishoni mwa Januari. Wakati huohuo, fowadi wa Forest wa Nigeria Emmanuel Dennis, 25, pia anakaribia kuondoka katika klabu hiyo. (Telegraph – Subscription Required)
Meneja wa Liverpool Jurgen Klopp, 56, amekataa kuwa kocha wa Ujerumani kufuatia kutimuliwa kwa Hansi Flick. Mjerumani Klopp, 56, amekuwa akiinoa Anfield tangu 2015. (Sportschau)
Vilabu nchini Uturuki na Qatar vinapigiwa upatu huku Manchester United ikitafuta kumuuza kiungo wa kati wa Uholanzi Donny van de Beek, 26. (90min)
Hata hivyo, sasa inaonekana huenda mchezaji wa zamani wa Ajax Van de Beek atasalia Old Trafford hadi Januari. (Sun)
Kiungo wa kati wa Manchester United na Uturuki Hannibal Mejbri, 20, anasakwa kwa mkopo na Besiktas. Dirisha la uhamisho nchini Uturuki linafungwa siku ya Ijumaa. (Mirror) Winga wa zamani wa Chelsea na Ubelgiji Eden Hazard anafikiria kustaafu akiwa na umri wa miaka 32 baada ya kuachiliwa na Real Madrid. (CaughtOffside – Subscriptionn Required)
Bosi wa zamani wa Chelsea na Brighton Graham Potter, 48, ameripotiwa kukataa kuifundisha Lyon ya Ufaransa na Rangers ya Scotland. (Sun)
BBC
