West Ham wanakaribia kukubali mkataba wa mkopo na Manchester City kwa Kalvin Phillips, 28, lakini Juventus bado wanaweza kuwasilisha ombi la dakika za mwisho kwa kiungo huyo wa kati wa England. (Mail)
Manchester United wametoa ofa kwa winga wa Uingereza Jadon Sancho, 23, na winga wa Brazil Antony, 23, kwa klabu za Saudi Pro League na wanataka karibu pauni milioni 50 kwa kila mchezaji. (Evening Standard)
Mshambulizi wa Ajax na Uholanzi Brian Brobbey, 21, angerukia nafasi ya kujiunga na Manchester United na kufanya kazi na mkufunzi wa zamani Erik ten Hag. (Football Insider) Chelsea hawana nia ya kumuuza mlinzi wa Uingereza Levi Colwill, 20, mwezi huu licha ya Liverpool kumtaka. (TeamTalks)
Newcastle wanaitaka Bayern Munich kulipa ada ya takriban £12m kwa beki wao wa pembeni Kieran Trippier, 33, ambaye ana nia ya kuhamia Ujerumani. (Sky Germany via Sky Sports)
Newcastle pia wanaweza kushawishiwa kuachana na mchezaji wa kimataifa wa Paraguay Miguel Almiron, 29, huku klabu ya Al-Shabab inayoshiriki Ligi ya Saudia ikimtaka winga huyo. (Guardian)
The Magpies wanamwona Morgan Gibbs-White, 23, kama mbadala mzuri wa Almiron lakini Nottingham Forest wana uwezekano wa kukataa kuhama kwa mchezaji huyo wa zamani wa England Under-21. (Telegraph)
Chelsea na Manchester United wameambiwa kwamba Nice haitakaribisha ofa kwa mlinzi wao wa kimataifa wa Ufaransa Jean-Clair Todibo, 24, wakati wa Januari. (90min)
Matumaini ya West Ham kumsajili Armando Broja, 22, yanaonekana kuwa mbali mnamo Januari huku Chelsea wakitaka angalau pauni milioni 50 kwa ajili ya mshambuliaji wao wa Albania. (Football Insider)
Lyon inajaribu kumrejesha Karim Benzema, 36, katika klabu hiyo kutoka Al-Ittihad, huku fowadi huyo wa zamani wa Ufaransa akiwa ndiye mchezaji wa hivi punde zaidi wa hadhi ya juu kuondoka kwenye Ligi Kuu ya Saudia. (Guardian)
Newcastle hawana uwezo wa kumudu dili la kumnunua kiungo wa kati wa Brazil Ederson mwezi huu, huku klabu yake ya Atalanta ikimthamini kati ya £30m-40m. (Football Insider) Kiungo wa kati wa Everton na Mali Abdoulaye Doucoure, 31, analengwa na klabu ya Saudia ya Al-Ettifaq. (Guardian)
Winga wa Manchester United na Uruguay Facundo Pellistri, 22, ameshuhudia uhamisho wa mkopo kwenda Granada ukikwama kutokana na kutoelewana kuhusu mchango wa mshahara utakaotolewa na klabu ya Uhispania, huku PSV Eindhoven ikifuatilia hali hiyo. (Mail)
Nottingham Forest wamekataa mpango wa mkopo kutoka kwa Feyenoord kwa beki wao wa pembeni wa kimataifa wa Wales, Neco Williams, 22. (Sky Sports) Burnley wanajaribu kufikia makubaliano ya kumsajili beki wa Montpellier Mfaransa Maxime Esteve, 21. (Fabrizio Romano)
AC Milan wamewasiliana na mchezaji wa zamani wa timu ya taifa ya Uingereza Tosin Adarabioyo, 26, huku beki huyo wa Fulham akimaliza mkataba wake mwishoni mwa msimu huu. (Sky Sports Italia)
BBC
