Wananchi wako nchini Misri ambapo leo majira ya saa 12 jioni (saa 1 Tanzania) watashuka dimba la Cairo International kuumana na timu namba moja Afrika, Al Ahly
Ni mchezo wa kuhitimisha hatua ya makundi ambapo baada ya dakika 90 za mchezo huo, itafahamika timu itakayoongoza kundi ingawa mpaka sasa Al hly wanaongoza
Yanga inahitaji ushindi ili kuiondoa Al Ahly hapo juu wakati Ahly wao wanahitaji alama moja tu
Ni mchezo ambao hautakuwa na presha kubwa kwa sababu timu zote tayari zimetinga robo fainali
Kocha Mkuu wa Yanga Miguel Gamondi amesema wataitumia mechi hii kuonyesha ubora wao na watashuka dimba la Cairo wakiwa na lengo la ushindi
Kwa mashabiki wa Yanga jijini Dar es salaam wao wataushudia mchezo huo pale Makao Makuu ya klabu, Jangwani shamra shamra zikianza saa 6 mchana
