Klabu ya Simba ni kama imeachana na mpango wa kumsajili winga wa AS Vita Elie Mpanzu ambaye alikuwa kipaumbele katika dirisha hili la usajili kwa Wekundu hao wa Msimbazi
Meneja Habari na Mawasiliano wa Klabu hiyo, Ahmed Ally, amebainisha klabu ya AS Vita haiko tayari kumuachia winga huyo anayesifika kwa kasi na uwezo mkubwa wa kupachika mabao
"Mpanzu dili lake limekuwa gumu, klabu yake imekuwa na changamoto sana, tatizo siyo pesa, ila inaonekana haipo tayari kumuachia, bahati mbaya ana mkataba nao na hata bei hawasemi"
"Wangetuambia wanamuuza tungemnunua, kwa hiyo niwaambie wanachama na mashabiki wa Simba kwa sasa dili limekuwa gumu, siwezi kusema atapatikana au lah lakini tunaendelea kupambana, lolote linaweza kutokea, hata hivyo kama ikishindikana basi tutaendelea na tulionao kwa sababu tuna kikosi bora," alisema Ahmed
Hata hivyo tayari Simba imemrejesha winga Willy Onana ambaye hakuwa katika mipango ya kikosi cha Wekundu hao wa Msimbazi
Onana ameshawasili Misri ilipo kambi ya Simba kwa ajili ya maandalizi ya msimu mpya wa mashindano
