Baada ya kuibuka kwa taarifa kuwa kiungo wa Azam Fc Feisal Salum 'Fei Toto' amegomea mazungumzo ya mkataba mpya, Mkuu wa kitengo cha Habari na Mawasiliano Azam Fc Thabit Zacharia 'Zakazakazi' amesema anaamini Fei Toto ataendelea kusalia Azam Fc na hata kama akitaka kuondoka klabu haitamzuia
Kumekuwa na taarifa kuwa Fei Toto kwa sasa hana furaha ndani ya Azam Fc na yuko tayari kusaka changamoto mpya kwingine pale msimu huu utakapomalizika
"Fei hajacheza Azam muda mrefu, ana miaka miwili kwenye mkataba wake uliobaki. Kuna wachezaji kwenye mikataba yao ina miaka miwili ambayo ni mkataba wa Fei uliobaki"
"Hayo yanayosemwa Fei amegoma kusaini mkataba, ni maneno ya watu; ujue Feisal sasa hivi ni staa mkubwa kwa hiyo lazima azungumzwe ili mtu apate engagements"
"Halafu Fei kuondoka Azam ni kitu kinachowezekana, hatujawahi kuzuia mchezaji kuondoka, wala hatuwezi kumuuliza kwa nini unaondoka?"
"Fei alikuwa Azam alipokuwa mtoto, kisha baadae akarudi. Fei anataka kubaki Azam FC kwa sababu yeye mwenyewe amechagua kuja Azam FC. Tukisema tunaweka kambi kwanzia tarehe 10 yeye anakuja tarehe 8," alisema Zakazakazi
