Robert Lewandowski alifunga mabao mawili katika dakika tatu za kipindi cha pili na kuifanya Barcelona kuibuka na ushindi wa 4-0 dhidi ya Real Madrid kwenye El Clasico
Lamine Yamal na Raphinha pia walifunga na kuongeza huzuni zaidi kwa Madrid ambao waliadhibiwa wakiwa katika jitihada za kusaka mabao ya kusawazisha
Los Blancos waliingia El Classico wakiwa na mfululizo wa michezo 42 ya La Liga bila kupoteza na mmoja pekee kutoka kwa rekodi ya Barcelona
Kikosi cha Carlo Ancelotti kingeweza kuwa mbele kabla ya mapumziko lakini Kylian Mbappe alijikuta ameotea mara sita
Uzoefu wa Lewandowski mwenye umri wa miaka 36 uliibeba Barcelona katika kipindi cha pili akivunja mtego wa kuotea na kufunga bao la kuongoza dakika ya 54 na kisha akafunga bao la kichwa dakika tatu baadaye
Lewandowski alipaswa kuwa katili zaidi mbele ya lango kwani alipoteza nafasi nyingine mbili
Lakini mabao ya Lamine Yamal na Rafinha yalitosh kuihakikishia Barcelona ushindi huo muhimu Santiago Bernebeu na kumaliza mechi 42 za Real Madrid kutopoteza mchezo kwenye La Liga
