Mshambulizi nyota wa Brazil Vinicius Junior ametuma ujumbe mzito kwenye mitandao ya kijamii baada ya kupoteza tuzo ya Ballon d'Or 2024 kutoka kwa Rodri wa Uhispania
"Nitafanya mara 10 zaidi ikibidi. Hawako tayari," Vinicius aliandika dakika chache baada ya Rodri kupokea Ballon d'Or 2024 Jumatatu usiku huko Paris
Kulingana na beIN Sports, ujumbe wa Vinicius unamaanisha kwamba atajitahidi zaidi kushinda Ballon d'Or siku zijazo kwa sababu aliamini alistahili kushinda mwaka huu lakini hakutunukiwa
Saa chache kabla ya hafla ya utoaji tuzo Jumatatu, orodha ilienea kwenye mitandao ya kijamii ikionyesha msimamo wa mwisho wa wachezaji 30 walioteuliwa kuwania tuzo ya Ballon d'Or, Vini akiwa kileleni na Rodri wa pili
Lakini saa chache baadaye, vyombo vya habari vya Uhispania viliripoti kwamba klabu ya Real Madrid haitakuwa na uwakilishi katika tuzo hizo baada ya kupata taarifa Vini Jr hatashinda
