Tabora United imewashangaza mabingwa watetezi ligi kuu ya NBC Yanga ikiibuka na ushindi wa mabao 3-1 katika mchezo uliopigwa uwanja wa Azam Complex
Ikitumia mashambulizi ya kushitukiza, Tabora United ikwenda mapumziko ikiwa mbele kwa mabao mawili yaliyofungwa Offen Chikola akimalizia kazi nzuri iliyofanywa na mshambuliaji wa zamani wa Yanga Yacouba Songne
Yanga leo ilionekana kuwa na mapungufu makubwa katika safu ya ulinzi pengine kukosekana kwa mabeki wake tegemeo Ibrahim Bacca na Dickson Job kuliigharimu timu hiyo ambapo Miguel Gamondi alilazimika kuwatumia Bakari Nondo Mwamnyeto, Aziz Andambwile ambaye alipata majeraha na Khalid Aucho kurudi kucheza safu ya ulinzi
Wakati wakitafuta mabao ya kusawazisha katika kipindi cha pili, Nelson Munganga alififisha matumaini ya Yanga kifunga bao la tatu katika dakika ya 78
Bao pekee la kufutia machozi lilifungwa na Clemet Mzize kwenye dakika za lala salama
Yanga sasa imepoteza mechi mbili mfululizo wakitoka kupigwa bao 1-0 na Azam Fc hapohapo uwanja wa Azam Complex
Matokeo hayo yameiweka Simba kileleni mwa msimamo wa ligi ikiwa na alama 25, huku Yanga ikisalia nafasi ya pili na alama 24
