Singida Black Stars yavuta winga Al Hilal

Klabu ya Singida Black Stars jana ilifunga dirisha dogo la usajili kibabe kwa kuinasa saini ya winga raia wa Ivory Coast Serge Pokou

Pokou ametua Singida BS akitokea Al Hilal ya Sudan ambayo inashiriki michuano ya ligi ya mabingwa barani Afrika ikitinga robo fainali ikiongoza kundi A ambalo imo klabu ya Yanga

Pokou aliitumikia Al Hilal katika mchezo dhidi ya Yanga uliopigwa mwishoni mwa wiki iliyopita huko Mauritania na Yanga kuibuka na ushindi wa bao 1-0

Nyota huyo amewahi kuhusishwa na klabu za Simba na Yanga lakini hatimaye ni Singida BS iliyofanikiwa kumsajili