Mkurugenzi mpya wa michezo wa Arsenal, Andrea Berta, amekutana na wakala wa winga wa Athletic Bilbao, Nico Williams, katika siku za hivi karibuni kujadili uhamisho wa kiangazi kwa mchezaji huyo wa kimataifa wa Hispania mwenye umri wa miaka 22. (Guardian)
Meneja wa Manchester City, Pep Guardiola, na aliyekuwa kocha wa Brighton, Roberto de Zerbi, ambaye kwa sasa yuko Marseille, wanachukuliwa kama wagombea wa nafasi ya ukocha AC Milan. (Corriere della Sera - in Italian)
Liverpool na Chelsea wanamtaka beki wa Bournemouth, Dean Huijsen, mwenye umri wa miaka 19, lakini watakumbana na ushindani kutoka kwa Real Madrid kwa beki huyo wa kimataifa wa Hispania anayekadiriwa kuwa na thamani ya £50m. (Independent)
Mshambuliaji wa Misri, Mohamed Salah, mwenye umri wa miaka 32, yuko mbioni kuongeza mkataba wake na Liverpool baada ya miezi ya uvumi. (Foot Mercato - in French)
Manchester United, Liverpool na Newcastle wanamfuatilia winga wa Como, Assane Diao, mwenye umri wa miaka 19 kutoka Senegal. (Caught Offside)
Beki wa Scotland wa Liverpool, Ben Doak, mwenye umri wa miaka 19, ambaye kwa sasa yuko kwa mkopo Middlesbrough, anaweza kuhamia Everton msimu huu wa kiangazi kwa ada ya £30m. (Football Insider)
Arsenal, Liverpool na Nottingham Forest wanavutiwa na mshambuliaji wa Algeria, Mohamed Amoura, mwenye umri wa miaka 24, ambaye kwa sasa yuko kwa mkopo Wolfsburg akitokea Union St-Gilloise. (L'Equipe - in French)
Juventus wanamtaka kiungo wa Newcastle, Sandro Tonali, huku klabu hiyo ya Serie A ikimthamini mchezaji huyo wa Italia mwenye umri wa miaka 24 kwa takriban £70m. (Gazzetta - in Italian)
Newcastle watarudia juhudi zao za kumsajili beki wa Crystal Palace na timu ya taifa ya England, Marc Guehi, mwenye umri wa miaka 24, msimu huu wa kiangazi. (GiveMeSport)
Liverpool wamewasiliana na wawakilishi wa winga wa Japan, Takefusa Kubo, mwenye umri wa miaka 23, na wanaweza kufanya uhamisho wa msimu wa kiangazi iwapo Real Sociedad watashindwa kufuzu kwa mashindano ya Ulaya. (Teamtalk)
Aston Villa wanatarajia kumfunga kiungo wa Ufaransa, Boubacar Kamara, mwenye umri wa miaka 25, kwa mkataba mpya wa kihistoria ili kuwazuia wanaomtaka msimu wa kiangazi. (Foot Mercato - in French)
BBC
