Wanasema dalili ya mvua ni mawingu ndivyo unavyoweza kusema baada ya uongozi wa Simba kugomea mkutano wa mechi unaohusu makocha na manahodha wa timu kuelekea mchezo wa ligi kuu kati ya Yanga dhidi ya Simba ambao umepangwa kupigwa kesho Jumatano, Juni 25 katika uwanja wa Benjamin Mkapa
Kocha wa Yanga pamoja na nahodha wa timu hiyo walifika katika Mkutano huo lakini sio kocha Fadlu Davids wala nahodha Mohammed Hussein aliyefika kuzungumza
Akifunga Mkutano huo, Afisa Habari wa Bodi ya Ligi Karim Boimanda alisema hakuna taarifa rasmi iliyotolewa na Simba kama watashiriki mkutano huo au la huku jitihada za kuwatafuta viongozi wa Simba zikigonga mwamba
"Licha ya jitihada tulizotumia ila mpaka kufikia muda huu baaada ya Mkutano wa Yanga na waandishi wa Habari. Klabu ya Simba mpaka kufikia muda huu bado hatuna majibu sahihi kama wanakuja au la. Tumejitahidi kuwatatuta lla hawajashika simu mpaka muda huu hivyo niwaambie ndugu zangu Mkutano wa Simba na waandishi wapo Habari haupo," alisema Boimanda
Tangu mabadiliko ya ratiba ya kusogeza mbele mchezo huo yalipotangazwa, Simba haijajihusisha na hatua zote za maandalizi
