Leo Jumapili, Januari 25, 2026, raundi ya tatu ya makundi ya Kombe la Shirikisho Afrika (CAF Confederation Cup) itaendelea kwa ratiba kamili ya mechi ambapo vilabu mbalimbali barani Afrika zitapigania pointi muhimu kuelekea robo fainali.
Ligi hii inayoshirikisha vilabu 16 imeingia kwenye hatua nyeti, na kila mchezo leo una maana kubwa kimasimamo.
Hii hapa ratiba ya mechi zote;
Saa 10 jioni
Nairobi United FC (Kenya) vs Azam FC (Tanzania)
Azam FC wanakutana na Nairobi United katika pambano la kundi B. Ni mechi muhimu kwa Azam kutafuta alama za kwanza baada ya mwanzo mgumu ikiwa haina pointi.
Saa 10 jioni
ZESCO United FC (Zambia) vs Kaizer Chiefs FC (Afrika Kusini)
ZESCO United wanatembea kukutana na Kaizer Chiefs, mashabiki watarajiwa kufuatilia mechi ya ushindani kundi D.
Saa 1 usiku
Singida Black Stars (Tanzania) vs AS Otoho (Congo)
Singida Black Stars wanacheza nyumbani dhidi ya AS Otoho katika kundi C, pambano lenye shauku kubwa kutokana na matokeo ya awali na safari ya timu hizo mbili kwenye msimamo wa kundi.
Saa 1 usiku
Olympique Club de Safi (Morocco) vs FC San Pedro (Côte d'Ivoire)
Mchezo wa kundi A utakaochukua umakini wa mashabiki wa Afrika Magharibi na Kaskazini, ambapo timu hizi mbili zinataka kuendelea kushindana vikali.
Saa 4 usiku
Wydad AC (Morocco) vs AS Maniema Union (DR Congo)
Pambano hili la kundi B linatarajiwa kuonesha ubora wa soka la Moroco dhidi ya timu kali ya Congo. Wydad AC wanataka matokeo ya pointi tatu ili kujipania nafasi ya juu zaidi.
Saa 4 usiku
CR Belouizdad (Algeria) vs Stellenbosch FC (Afrika Kusini)
Mchezo wa kundi C ambapo Belouizdad wanapambana kupata alama muhimu mbele ya Stellenbosch ili kudumisha nafasi ya ushindani.
Saa 4 usiku
Zamalek SC (Egypt) vs Al Masry SC (Egypt)
Derby ya Misri itakayofanyika katika kundi D, ikiweka wazi nani atakayechukua nafasi ya kuongoza katika kundi lao.
