Timu ya taifa ya Bosnia and Herzegovina national team imeandika historia baada ya kuifunga Italy kwa mara ya kwanza kabisa katika mechi ya mashindano rasmi, ushindi uliowahakikishia kufuzu kushiriki FIFA World Cup 2026.
Ushindi huo wa kihistoria uliopatikana mjini Zenica umeleta furaha kubwa kwa mashabiki wa Bosnia, huku ukiashiria hatua kubwa kwa taifa hilo katika soka la kimataifa.
Kwa upande wa Italia, matokeo hayo yanamaanisha wanakosa tena nafasi ya kushiriki Kombe la Dunia baada ya kupoteza katika mchezo wa fainali ya mtoano uliokuwa na drama kubwa.
Hapo mwanzo, kulizuka sintofahamu kubwa kabla ya mchezo huo muhimu, baada ya timu ya taifa ya Bosnia and Herzegovina national team kudai kunasa mtu aliyedaiwa kuwa jasusi kutoka Italy wakati wa mazoezi ya mwisho.
Kwa mujibu wa taarifa hizo, mtu huyo alidaiwa kujifanya askari wa Umoja wa Ulaya huku akiwa amevaa koti la kijeshi lenye nembo ya shirikisho la soka la Italia, akinaswa akirekodi mazoezi ya kiufundi ya Bosnia kutoka eneo lisiloruhusiwa.
Inadaiwa alikuwa na simu iliyofungwa kifuani ili kunasa mbinu za timu hiyo. Alitolewa mara moja katika eneo hilo, ingawa haikufahamika ni kiasi gani cha taarifa tayari alikuwa amekusanya au kama alitumwa rasmi na mamlaka za Italia.
