Katika moja ya mechi kubwa za La Liga msimu huu, Atlético Madrid itaikaribisha FCBarcelona Jumamosi hii katika pambano ambalo lina uzito mkubwa siyo tu kwa ligi, bali pia kama maandalizi ya mfululizo wa mechi dhidi yao katika Ligi ya Mabingwa Ulaya.
Katika pambano hili, Barcelona ambao watakuwa ugenini, wanakuja wakiwa kileleni mwa msimamo na mbele kwa pointi 16 dhidi ya wapinzani wao wa Madrid, lakini wakitofautiana alama nne tu wapinzani wao wakuu Real Madrid nao kutoka jiji la Madrid.
Hii inamaanisha kila hatua ya mchezo huu itakuwa muhimu kwa Barcelona ili kudumisha nafasi yao ya ubingwa huku Atletico wakijaribu kuvunja mbio hizo.
Kwa upande wa Atlético Madrid, kocha Diego Simeone anajiandaa kwa kipindi kigumu ambacho kitamkutanisha na Barcelona mara tatu ndani ya siku chache.
Mechi ya ligi, mara mbili kwenye robo fainali za Ligi ya Mabingwa. Sehemu ya msimamo wa Atletico ni kukamata nafasi za juu kwenye ligi na kujenga morali mbele ya muendelezo wa mechi zijazo.
Barcelona, chini ya kocha Hansi Flick, wanajivunia rekodi nzuri ya kutopoteza mchezo katika mechi nyingi za hivi karibuni, huku wakijitahidi kutengeneza tofauti yao ya pointi dhidi ya Real Madrid na vilabu vingine vinavyokua nyuma kwenye msimamo wa ligi.
Kwa upande wa hali za vikosi, Barcelona wanakabiliwa na jeraha la kiungo mshambuliaji Raphinha, ambaye atakosa michezo kadhaa ikiwemo hii dhidi ya Atletico kutokana na jeraha la misuli.
Hata hivyo, Barca inatarajia wachezaji wengine kama Jules Kounde, Eric Garcia na Alejandro Balde kurejea kwenye kikosi, jambo linaloweza kuipa nguvu zaidi Barcelona mbele ya ushindani huu mkali.
Katika pambano hili, mbinu za pande zote ndio zitaamua matokeo. Atletico mara nyingi hutegemea muundo wa kujilinda na kuibuka na mashambulizi ya haraka, wakati Barcelona wanapendelea uchezaji wa kumiliki mpira na kusubiri nafasi.
