Kikosi cha Timu ya Taifa ya Tanzania, Taifa Stars, kinatarajia kusafiri kuelekea nchini Morocco kwa ajili ya kambi maalum na kucheza mechi za kirafiki za kimataifa wakati wa kalenda ya Shirikisho la Mpira wa Miguu Duniani (FIFA BREAK) mwezi ujao wa Juni.
Hatua hiyo ni sehemu ya mikakati na maandalizi ya mapema ya timu hiyo kuelekea michuano mikubwa ya Kombe la Mataifa ya Afrika (AFCON) ya mwaka 2027.
Ratiba ya Mechi za Kirafiki:
Taifa Stars itashuka dimbani nchini Morocco kukabiliana na majirani zao wa ukanda wa Afrika Mashariki katika tarehe zifuatazo:
Juni 5: Tanzania vs Uganda
Juni 9: Tanzania vs Rwanda
Mabadiliko Ndani ya Kikosi:
Katika kuelekea kambi hiyo na mechi hizo muhimu, mabadiliko yanatarajiwa kuonekana ambapo majina mapya ya wachezaji yanatarajiwa kuongezwa kwenye kikosi.
Lengo la kocha Miguel Gamondi ni kuingiza nguvu mpya ni kusuka kikosi imara na chenye ushindani kitakachoweza kupeperusha vyema bendera ya taifa katika michuano ijayo ya AFCON 2027.
