Polisi Tanzania imejiweka katika nafasi nzuri kurejea Ligi Kuu ya NBC baada ya kuibuka na ushindi wa mabao 4-0 dhidi ya Tanzania Prisons katika mchezo wa kwanza wa hatua ya mtoano uliochezwa Apo jana.
Mabao ya Polisi Tanzania yaliwekwa kimiani na Juhudu Philemon, Tariq Seif, Tatizo Shem na Emanuel Mpuka, huku Polisi Tanzania ikionyesha ubora mkubwa katika safu ya ushambuliaji na kutawala mchezo kwa vipindi vyote viwili.
Matokeo hayo yanaipa Polisi Tanzania faida kubwa kuelekea mchezo wa marudiano utakaochezwa Julai 16, 2026, ambapo Tanzania Prisons watakuwa wenyeji wakihitaji ushindi wa idadi kubwa ya mabao ili kufufua matumaini ya kubaki Ligi Kuu.
Kwa upande wa Tanzania Prisons, kipigo hicho kimewaacha katika wakati mgumu, huku wakilazimika kufanya kazi kubwa katika mchezo wa marudiano. Polisi Tanzania, kwa upande wao, wanahitaji kulinda tu faida hiyo ili kukamilisha hatua ya kusalia kwenye Ligi Kuu ya NBC msimu ujao.
