Real Madrid wazindua rasmi uzi mpya wa ugenini wa msimu wa 2026/27.

Miamba ya soka nchini Hispania, Real Madrid, imezindua rasmi uzi wake mpya wa ugenini utakaotumika katika msimu wa 2026/27.

Jezi hiyo imekuja na rangi ya kijani kibichi, ikiwa na muundo wa kisasa unaolenga kuwapa wachezaji mwonekano tofauti wanapocheza mechi za ugenini.

Mara baada ya kuzinduliwa, uzi huo umeanza kuzua mjadala mkubwa miongoni mwa mashabiki wa soka duniani, ambapo baadhi wameusifu kwa ubunifu wake huku wengine wakitoa maoni tofauti kuhusu uchaguzi wa rangi na muundo wake.

Real Madrid inatarajiwa kuutumia uzi huo katika mechi zake za ugenini msimu ujao, huku mashabiki wakisubiri kuuona ukitumika rasmi uwanjani.