Michezo ya Premier League ya leo imeleta matokeo yenye vionjo tofauti, huku Brighton & Hove Albion ikipata ushindi mkubwa, Manchester City ikivuna pointi tatu muhimu na Liverpool ikilazimishwa sare dhidi ya Newcastle United. Siku hiyo imeendelea kuonyesha ushindani mkubwa katika mwanzo wa msimu mpya wa ligi.
Brighton imeonyesha ubabe mkubwa baada ya kuichapa Aston Villa mabao 4-0. Brighton ilianza kwa nguvu na kujenga uongozi mapema, huku bao la kujifunga la Victor Lindelöf dakika ya 8 likifungua njia kabla ya De Cuyper kuongeza la pili dakika ya 18. Hinshelwood alikamilisha kipindi cha kwanza kwa kufunga mabao mawili ndani ya dakika mbili, dakika ya 30 na 31, na kuifanya Brighton kwenda mapumziko ikiwa mbele kwa tofauti kubwa.
Manchester City nayo imepata ushindi wa mabao 2-1 dhidi ya Bournemouth. Bournemouth ilianza kwa kupata bao kupitia Tavernier dakika ya 26, lakini City iligeuza mchezo katika kipindi cha pili kupitia Marc Guéhi dakika ya 84 na Joško Gvardiol dakika ya 90+1. Ushindi huo umeipa City pointi tatu muhimu baada ya kufanya comeback ya dakika za mwisho..jpg)
Katika mchezo mwingine uliokuwa na drama hadi dakika za nyongeza, Newcastle United na Liverpool zimetoka sare ya mabao 2-2. Newcastle ilianza kwa kasi kupitia Anthony Elanga dakika ya 5, kabla ya Cody Gakpo kusawazisha Liverpool dakika ya 55. Willock aliirejesha Newcastle mbele dakika ya 57, lakini Liverpool ikapata bao la kusawazisha kupitia Dominik Szoboszlai kwa mkwaju wa penalti dakika ya 90+9. Matokeo hayo yameifanya timu hizo kugawana pointi katika mchezo uliokuwa na presha hadi filimbi ya mwisho.
