Mshambuliaji wa Simba SC, Ibrahim Doumbia, ameguswa kwa kiasi kikubwa na upendo na sapoti aliyopewa na mashabiki wa klabu hiyo baada ya mchezo dhidi ya Geita Gold.
Doumbia amesema aliposhuka kwenye basi baada ya mchezo huo, aliona bango lililoandikwa “TUKO PAMOJA DOUMBIA, TUNAKUPENDA”, jambo ambalo lilimgusa sana moyoni na kumfanya machozi yamtoke.
Mshambuliaji huyo ameeleza kuwa ujumbe huo kutoka kwa mashabiki umempa nguvu na kumfanya ajione kuwa yupo sehemu ambayo anaaminiwa na kuthaminiwa na familia ya Simba.
Amesema anawashukuru kwa dhati mashabiki wa Simba pamoja na familia nzima ya klabu kwa sapoti, upendo na imani wanayoendelea kumpa, akiahidi kutorudisha nyuma jitihada zake.
Doumbia ameweka wazi kuwa ataendelea kupambana, kufanya kazi kwa bidii na kutoa kila alichonacho kila anapovaa jezi ya Simba, akiamini kuwa juhudi hizo zitasaidia kufikia malengo ya klabu.
Upendo ulioonyeshwa na mashabiki baada ya mchezo huo unaonekana kuwa ishara ya uhusiano mkubwa uliopo kati yao na mchezaji huyo, huku Doumbia akiahidi kuwalipa kwa matokeo na kujituma zaidi uwanjani.
