Michezo ya saa 1:30 usiku imekamilika kwa AEK Athens kuibuka na ushindi wa 1-0 dhidi ya LASK, bao pekee likifungwa na Razvan Marin dakika ya 21. Katika mchezo mwingine, Aston Villa imepata ushindi wa mabao 3-2 ugenini dhidi ya Club Brugge. McGinn aliifungia Villa dakika ya 11, Buendia akaongeza la pili dakika ya 22, huku Jackson akifunga bao la ushindi dakika ya 43. Club Brugge walipata mabao yao kupitia Vetlesen dakika ya 19 na Tresold kwa mkwaju wa penalti dakika ya 61.
.jpg)
Michezo ya saa 4:00 usiku nayo imeleta burudani kubwa, huku Borussia Dortmund ikiifunga Villarreal 3-2. Dortmund ilipata mabao kupitia Veiga dakika ya 53 kwa kujifunga, Guirassy dakika ya 80 na penalti dakika ya 85. Villarreal walijibu kupitia Mourino dakika ya 66, kabla ya Guirassy kujifunga mwenyewe dakika ya 90+3.
Manchester City imeondoka Porto na ushindi wa 2-0, ikiwa ni matokeo yaliyotokana na mabao ya Erling Haaland dakika ya 47 na 90+1. Porto imekuwa na usiku mgumu mbele ya lango, kwani haikuweza kupiga hata shuti moja lililolenga lango katika mchezo huo.
Nchini Ufaransa, Real Betis imeifunga Lille 3-2 katika mchezo wa mabao mengi. Lille ilianza kwa mabao ya Ueda dakika ya 12 na Alexsandro dakika ya 36, lakini Betis ikageuza mchezo kupitia Bartra aliyefunga dakika ya 33 na 49, kabla ya Parrott kuongeza bao la tatu dakika ya 53. Lille pia ilimaliza mchezo ikiwa pungufu baada ya Ethan Mbappé kuonyeshwa kadi nyekundu dakika ya 56.
BIG MATCH: Real Madrid 2-1 Inter Milan. Real Madrid imeibuka na ushindi muhimu dhidi ya Inter Milan, huku Kylian Mbappé akifungua ukurasa wa mabao dakika ya 14 na Federico Valverde kuongeza la pili dakika ya 23. Inter ilipata bao la kufutia machozi kupitia Augusto dakika ya 77, lakini Los Blancos wakalinda ushindi wao hadi filimbi ya mwisho.
Usiku mwingine wenye matokeo makubwa kwenye Champions League, huku Real Madrid na Manchester City zikitoka na pointi tatu muhimu katika michezo yao.
