Shirikisho la Soka Afrika (CAF) limefanya mabadiliko ya waamuzi watakaochezesha mchezo wa mkondo wa kwanza wa Ligi ya Mabingwa Afrika kati ya 15 de Agosto na Simba SC.
Mwamuzi wa kati kutoka Misri, Amin Mohamed Omar, ameteuliwa kusimamia mchezo huo utakaochezwa Jumatano, baada ya mwamuzi wa Mauritius, Ahmad Imtehaz Heeralall, kushindwa kusafiri kwenda Dar es Salaam.
Taarifa zinaeleza kuwa Omar tayari ameondoka Cairo, Misri, na yuko safarini kuelekea Tanzania kwa ajili ya maandalizi ya kusimamia mchezo huo.
Mabadiliko hayo yanakuja wakati Simba SC ikiendelea na maandalizi ya mchezo huo muhimu wa mashindano ya CAF, huku mashabiki wakisubiri kuona namna timu hiyo itakavyoanza safari yake katika hatua hiyo.
ADVERTISE HERE
