Simba yatinga hatua ya makundi klabu bingwa kibabe

Simba SC imefuzu hatua ya makundi ya Ligi ya Mabingwa Afrika kwa kishindo baada ya kuichapa 15 de Agosto mabao 3-0 katika mchezo wa marudiano, na kufanya ushindi wa jumla kuwa mabao 9-1 katika michezo yote miwili.

Mabao ya Simba katika mchezo huo yalifungwa na Anicet Oura, Elie Mpanzu na Keletso Makgalwa, huku Wekundu wa Msimbazi wakionyesha ubora wao na kuthibitisha nafasi yao katika hatua inayofuata ya mashindano hayo.

Ushindi huo unaendeleza safari ya Simba katika mashindano ya klabu yenye hadhi kubwa zaidi barani Afrika, huku mashabiki wa timu hiyo wakipata sababu nyingine ya kushangilia mafanikio ya kikosi chao.

Hongera Simba SC kwa kufuzu hatua ya makundi!