Klabu ya Crystal Palace imethibitisha kumfuta kazi kocha wake mkuu, Pierre Sage, baada ya kuiongoza timu hiyo katika michezo 16 pekee. Uamuzi huo umefanyika Jumatatu, huku matokeo ya timu hiyo yakiwa sababu ya mabadiliko hayo.
Katika michezo hiyo 16, Sage alifanikiwa kupata ushindi mara tano, sare tatu na kupoteza michezo minane, rekodi iliyomuweka kwenye presha ya kuendelea kuinoa timu hiyo.
Kuondoka kwa Sage kunafanya kuwa mara ya sita katika historia ya Ligi Kuu England kwa makocha wawili kuondoka kwenye nafasi zao siku moja ndani ya msimu mmoja. Tukio hilo linahusisha pia Michael Carrick, aliyeondoka kwenye nafasi yake siku hiyo hiyo.
Kwa mujibu wa taarifa, Sage anatarajia kuchukua mapumziko baada ya kuondoka Crystal Palace, huku kukiwa hakuna mazungumzo yaliyofikia hatua ya juu kati yake na klabu ya RC Lens.
Kwa upande wa wanaoweza kumrithi, kocha Thomas Frank anatajwa kuwa kinara kwenye orodha ya wagombea wa nafasi hiyo.