Bodi ya Wakurugenzi ya Simba SC imesema imesikitishwa na kauli za Mwenyekiti wa Kamati ya Uchaguzi ya TFF kuhusu mchakato wa Uchaguzi Mkuu wa klabu hiyo.
Kupitia taarifa yake, Simba imeeleza kuwa iliandikia TFF barua rasmi Novemba 13, 2026, ikiwasilisha maoni na mapendekezo kuhusu uchaguzi pamoja na kuomba majibu kwa maandishi. Hata hivyo, klabu imepinga kujibiwa kupitia vyombo vya habari badala ya kupatiwa majibu rasmi.
Simba pia imepinga kauli zinazoashiria kuwepo kwa pande mbili ndani ya klabu, ikisisitiza kuwa Simba ni moja na inaongozwa na katiba moja iliyofanyiwa marekebisho Novemba 30, 2025 na kusajiliwa Februari 18, 2026.
Aidha, klabu imesisitiza dhamira yake ya kuwa na uchaguzi huru, wa haki na uwazi. Imeongeza kuwa jopo lake la wanasheria linatathmini hatua zaidi za kisheria dhidi ya Mwenyekiti wa Kamati ya Uchaguzi ya TFF, huku ikiomba wanachama na mashabiki kudumisha utulivu na umoja.
.jpg)