Kaimu Kocha Mkuu wa Yanga Juma Mwambusi leo anaanza majukumu yake katika mchezo wa ligi kuu dhidi ya KMC akiwa na kikosi chake kamili
Ni Yassin Mustafa, Niyonzima, Farid Mussa na Carlinhos ambao hawatakuwa sehemu ya mchezo huo
Wananchi wanasubiri kuona kikosi ambacho Mwambusi ataanza nacho leo katika mchezo ambao Yanga inahitaji alama zote tatu
Maeneo ambayo yanaweza kuwa na mabadiliko ni katika safu ya ushambuliaji ambapo Saido Ntibazonkiza anaweza kuanza
Eneo hilo ndilo lililoonekana kuwa na changamoto zaidi lakini jana Mwambusi alisema wamefanya kazi kubwa kuboresha hivyo wananchi watarajie kuona mabadiliko
Kwenye safu ya ulinzi Adeyum Saleh anaweza kuanza kuchukua nafasi ya Yassin ambaye ni mgonjwa
Lakini pia kwa nyakati tofauti Kibwana Shomari alitumika huku kiraka Deus Kaseke akitumika kama mlinzi wa kulia kutegemeana na mfumo wa uchezaji
Mwambusi anaweza kuendelea na pacha ya walinzi wa kati manahodha Lamine Moro na Bakari Nondo Mwamnyeto
Mukoko Tonombe, Feisal Salum wako vizuri kiafya wakitarajiwa kubeba majukumu ya eneo la kiungo wakati Michael Sarpong, Yacouba wanaweza kupishana eneo la ushambuliaji wakishirikiana na winga Tuisila Kisinda 'TK Master' na pengine Deus Kaseke
Eneo la mlinda lango kocha Razack Siwa atakuwa na maamuzi ya kufanya juu ya nani aanze nae katika mchezo wake wa kwanza akiwa na Metacha Mnata, Farouk Shikhalo na Ramadhani Kabwili
Huu ni mchezo ambao benchi la ufundi linapaswa kuanza na kikosiimara ili kupata ushindi mbele ya KMC ambao imekuwa na kawaida ya 'kuivimbia' Yanga kila timu hizo zinapokutana
Msimu uliopita KMC waliondoka na alama nne dhidi ya Yanga lakini msimu huu tayari wamedondosha alama tatu mbele ya Yanga katika mchezo wa duru ya kwanza uliopigwa jijini Mwanza
