Mabosi wa klabu ya Yanga leo watakutana na wenzao wa TFF kujadili masuala mbalimbali ambayo yamepelekea 'kutokuaminiana' baina ya taasisi hizo
Baada ya Kamati ya Maadili ya TFF kumfungia Makamu Mwenyekiti wa Yanga Fredrick Mwakalebela, Yanga ilipeleka malalamiko yake Serikalini wakipinga adhabu hiyo lakini pia wakiibua malalamiko mengine ambayo wanaamini hawatendewi haki na Shirikisho la Mpira wa Miguu Tanzania
Serikali iliagiza pande zote mbili kukutana katika kikao ambacho kilipangwa kufanyika leo
Katika majibu yake kwa Serikali TFF ilieleza kuwa haihusiki na maamuzi yanayofanywa na Kamati hivyo kama kuna makosa yamefanyika ni hukohuo katika Kamati
Pengine leo utapatikana mwafaka ambao utarejesha mahusiano mazuri na kuaminiana baina ya Yanga na TFF
