Rais wa makampuni ya GSM, Galib Said Mohammed 'GSM' amesema uwekezaji wake ndani ya klabu ya Yanga lengo kuu ni kuona timu hiyo inaondoka katika changamoto za kiuchumi na kuweza kujitegemea
Ghalib amekuwa mtu muhimu sana kwa Yanga tangu msimu uliopita, kampuni yake ikihusika katika usimamizi wa timu pamoja na kuchukua jukumu la kusimamia mchakato wa Mabadiliko ya mfumo wa uendeshaji
GSM pia imeingia makubaliano na Yanga kusimamia mauzo ya jezi pamoja na bidhaa nyingine zenye nembo ya Yanga
Ghalib amebainisha kuwa hakuna faida kubwa anayoipata Yanga lakini yote anayofanya ni kwa ajili ya mapenzi yake kwa Yanga
"Ukija na wazo la kupata faida kwenye timu zetu hizi unajidanganya, tunasaidia hizi timu kwa sababu tunazipenda. Ndio maana tumewaleta La Liga ili kujenga mfumo imara utakaokuwa na manufaa huko mbeleni," alisema Ghalib katika mahojiano ya ana kwa ana na Mwanahabari Privaldinho
Aidha Ghalib amewaalika Wawekezaji wengine wenye nia ya kuisaidia Yanga wajitokeze ili waunganishe nguvu kutengeneza taasisi imara
"Nimezisikia taarifa za Manji (Yusufu) kutaka kurudi Yanga, binafsi nimefarijika sana, kama akirudi, ujio wake utakuwa msaada mkubwa kwa Yanga. Sio Manji tu, yeyote mwenye nia ya dhati ya kuisaidia Yanga, aje tuungane kwa pamoja kwani mshikamano huleta maendeleo maradufu"
