Wakati mlinzi wa kati Dickson Job akirejea kikosi kuendelea na maandalizi ya mchezo dhidi ya Simba utakaopigwa keshokutwa Jumamosi katika uwanja wa Benjamin Mkapa, kiungo Carlos Carlinhos bado yuko katika uangalizi wa madaktari
Akizungumzia maandalizi ya kikosi kuelekea mchezo huo, Afisa Habari wa Yanga Hassan Bumbuli amesema wanaendelea vyema na maandalizi ya mchezo huo wa kukata na shoka
"Kambi yetu inaendelea vizuri, wachezaji waliokuwa majeruhi wamerejea, Dickson Job pamoja na Abdallah Shaibu Ninja walikuwa na maumivu kidogo lakini pia madaktari wanaendelea kuangalia afya ya Carlinhos kwa karibu zaidi na baada ya muda tutatoa taarifa"
"Mpaka sasa tunaendelea vizuri na maandalizi na mchezo wetu wa dabi, mchezo ambao unasimamisha dunia kuitazama Tanzania inafanya nini kwenye mpira wa miguu"
"Kwahiyo sisi tunajiandaa vizuri kuelekea mchezo huo kuhakikisha kwamba siku hiyo dunia inaona kwamba kweli Yanga ni moja ya timu kubwa barani Afrika," alisema Bumbuli
