Mshambuliaji Waziri Junior huenda akapewa nafasi ya kuanza katika mchezo wa ligi kuu leo dhidi ya JKT Tanzania ambao utapigwa uwanja wa Jamhuri
Junior aliyefunga bao moja msimu huu, amekuwa na wakati mgumu kupata nafasi katika kikosi cha kwanza
Hata hivyo tangu ujio wa kocha Nasreddine Nabi, angalau Junior amejumuishwa kwenye wachezaji wa akiba katika michezo iliyopita
Aidha kiwango kilichoonyeshwa na mshambuliaji Michael Sarpong katika mchezo dhidi ya Namungo Fc, huenda kikampa sababu Nabi kumtumia Junior au Abdulrazak Fiston ambaye pia kiwango chake hakijawa cha kuridhisha
Unaweza kuwa uamuzi sahihi kumuanzisha Junior katika mchezo huo ambao Yanga inahitaji alama zote tatu
Ni mchezaji mwenye kiu na shauku kubwa ya kutaka kudhihirisha kuwa hakusajiliwa na Yanga kwa bahati mbaya
Uwepo wake uwanjani unaweza kuinufaisha zaidi Yanga kwani atajituma zaidi
