Kiungo mshambuliaji Mapinduzi Balama yuko mbioni kurejea kikosini baada ya kupona majeraha yaliyomuweka nje kwa takribani mwaka mzima
Afisa Habari wa Yanga Hassan Bumbuli amesema Balama amepona majeraha, anatembea bila ya kutumia usaidizi wa magongo
Nyota huyo ameanza program ya mazoezi mepesi ya kukimbia chini ya uangalizi wa madaktari
"Kimsingi Balama amekwishapona, anatembea bila usaidizi wa magongo. Amepewa programu ya mazoezi mepesi ya kukimbia chini ya uangalizi wa madaktari ili kurejea katika hali yake ya kawaida"
"Bado hayuko tayari kucheza mpira, kutokana na ukubwa wa jeraha alilolipata hatuhitaji kumuharakisha ili kuepuka madhara," alisema Bumbuli
Balama amekuwa nje tangu mwezi Juni mwaka 2020 akipata majeraha wakati Yanga ikijiandaa na mechi za ligi kuu
