Vodacom kujitoa udhamini Ligi Kuu

Kampuni ya Vodacom imetangaza kujitoa kuendelea kudhamini ligi kuu ya Tanzania Bara baada ya kupata hasara

Kwa mujibu wa ripoti ya fedha ya mwaka 2020/21 ya kampuni hiyo, Vodacom imepata hasara ya Tsh Bilioni 30

Ofisa Mtendaji Mkuu wa kampuni hiyo, Hisham Hendi amesema imekuwa ni fahari kubwa kwao kudhamini ligi kuu ya Tanzania kwa kipindi cha miaka 10

Lakini kutokana na mwenendo wa ufanisi wa kampuni, hawataendelea

"Tunafurahia ubia na tunapenda, ligi imekuwa ikiitwa jina letu"

"Lakini kwa kampuni ambayo imetengeneza hasara, leo usipoweza kuinuka juu lazima uangalie gharama zako"

"Katika mazingira hayo magumu lazima uchukue uamuzi mgumu," Hisham alinukuliwa na gazeti la Mwananchi